Sandkunst og uførutsette hendingar

Farga sand i små beholdere - I love Søstrene Grene!

Eg skulle avslutte arbeidsdagen min med 90 minutters full bodymasasjshsjshsjshj i går før eg skulle heim til glade unger og kose meg før påfølgjande god natts søvn og avspasering i dag. Det vart ikkje heilt slik.

Dette er eit sett frå Søstrene Grene, med klisterark med utskårne felt og farga sand. Ein rask og gøy aktivitet!

Masasjen hadde eg (og det var fantastisk!), men da eg var ferdig og skjekka mobilen min såg eg at barnehagen hadde ringt. Storebror hadde vore litt annleis om morgonen, men eg tenkte at han berre reagerte på at det var så varmt overalt. No hadde han godt over 39 i feber, og mannen min hadde vore og henta han. Da eg kom heim låg han utslått på sofaen. Samtidig kunne mannen fortelje at han var trekt opp i eksamen (han studerer vedsidan av full jobb) og måtte bruke de neste fire dagane på å lese. Bortsett frå i dag da, då MÅTTE han på jobb, så da var det uaktuelt for meg å utsettje avspaseringa til fredag da storerbor mest sannsynleg er frisk igjen.

Massøren hadde hatt vindauget open under heile masasjen, så augene mine var på dette tidspunktet redusert til små sprekker samtidig som nasa var pott tett OG rennande, også var eg ganske så sår i halsen - kort lunte med andre ord. Storebror sov, lillesøster og mannen gjekk ut i sola og eg la meg på senga og sovna. Noko som følgjer til at nattesøvnen blir ødelagt. Så SUR som eg var i går kveld trur eg neppe eg har vore tidlegare. (joda)

Ferdig sandkunst

Så da er vi her i dag. Torsdag. Storebror er slapp, men feberfri. Eg får rydda og vaska slik eg hadde planlagt (og avspaseringstimane ligger enda ubrukte), men trening og ein tur på butikken vart det ingenting av. Ute var det 37 grader i sola klokka 8 i dag, men eg held meg inne så eg slepper meir intens kløing. Heldigvis er det meldt mindre bjørkepollen i morgon (samtidig med dårlegare vær), men eg er irritert fordi eg ikkje kan vere ute i knallværet. I kveld har vi barnevakt, da skal vi på festspelførestilling i byn (sitat mannen i går "eg håper du er i betre humør til vi skal ut"). Eg skal jobbe både laurdag og søndag, store arrangement eg har brukt fleire månadar på å få i stand - veldig spanande!

Det som plagar meg mest (i tillegg til pollen) er at eg skal vere med på eit mosjonsløp i byn neste laurdag, og eg har ikkje fått jogga meg opp! Eg kan ikkje springe ute mens det er så mykje støv i lufta, så dette var ikkje ein del av planen. Eg klarer fint å komme meg igjennom 5 km, men eg hadde håpt eg skulle klare det på god tid. Det kan eg nok berre sjå lang etter.

Sure miner frå meg i dag. I morgon er alt betre!