Aalborg

Vi fortsetter med siste stopp i Danmark før vi reiste heim igjen i sommar. Tidlegare var vi i Legoland, og i sommarhus ved Flovt Strand.

Vi brukte ein heil dag på å reise til Aalborg sidan vi var innom Himmelbjerget på veg nordover. Mellom anna. Vi hadde ein heil dag i Aalborg og den valgte vi å tilbringe i Aalborg Zoo!

Dette er ein ganske liten by-dyrehage som var heilt perfekt å tilbringe førmiddagen i! Vi kunne gå dit frå hotellet vi sov på, og vi vandra rundt i den i 5 timar og da hadde vi sett alt som var der. Akkurat nok!

De hadde like mange flotte dyr som i Kristiansand (opplevdes i alle fall som det), men utan alt det andre.

Vi var heldige med været, og her var det mykje mindre vind enn vi hadde hatt de to første vekene.

Det var så gøy å sjå tiger! De sov når vi var i dyreparken i Kristiansand i fjor, og her fikk vi sjå masse på to, og i tillegg var det ein tigerunge der som var veldig livlig! Han leika med mammaen sin, det var veldig gøy å sjå på!

Dette er også første gongen ungane såg isbjørn. Eg har ikkje sett isbjørn sidan Central Park Zoo i 2001; det er fantastisk flotte dyr!

Mannen er smitta av pilotbrillefeberen, med speilglass som eg jo veit å sette pris på. Titt-titt!

Denne bavianen var eit syn! Vi stod å såg på hans harem av damer og enorme mengder babyer lenge! Han var særleg keen på den eine av damene som berre slo han vekk igjen og igjen. Hahaha, det er gøy når det er litt action! Ungane våre synas det var mest stas med bavianungane som var overalt heile tida!

Vi spaserte nedover til hotellet vårt igjen når det nærma seg middagstid, for der hadde vi køyrt forbi denne resturanten - oh mother of all that is good and pure! friends-resturant er eit must-eat når underteiknande er stor friends-fan og kan (nesten) alle replikkane utanatt!

Vi var sultne når vi kom fram, og det var bra - for rettane var enorme! De hadde ikkje barnemeny, så ungane bestilte kvar sin lasagne som de åt alt av! Storebror sa det var den beste lasagnen han nokon sinne hadde smakt; de hadde ikkje spart på osten for å seie det slik :) Alle rettane var kalt opp etter friendskarakterar, mannen åt Richards steak med whiskeymarinade; han snakkar om den framleis :) Ungane fikk også ein stor jordbærmilkshake på deling - mmmm :) Eit måltid vi kjem til å hugse og snakke om lenge! Dette er vist ei kjede, så snublar du over ein av desse bør du kjenne din besøkelsestid!

Vi hadde to netter på det flotte hotellet midt i byn! Ungane sovna seint til tross for forsøk til vanleg tid! Bilete av snap over. Den første kvelden låg vi med lyset av til klokka var 22 før ungane hadde sovna og vi kunne slå på lyset og lese litt. Etter Aalborg reiste til nord igjen slik at vi var på plass når båten tok oss ombord på kvelden. Takk for oss Danmark!