Første dag i 2.klasse

Det slår meg kor enorm forskjell det er på første skuledag i 1.klasse, og første skuledag i 2.klasse. Les om første dag i 1.klasse her. Der vi i fjor hadde heile dagen fri med første skuledagsfrukost, høgtidleg start med rose og handhelsing med rektor, bowling og middag; er det i år ingenting annleis enn de to andre vekene vi har hatt med kvardag sidan sommarferien var over.

Vanleg levering på sfo, "ha ein fin dag", også vanleg henting. Men det var stas å finne fram skulesekken igjen og forandre litt på reimane fordi ein har vokst i sommar. Og storebror gleda seg veldig til å sjå læraren sin igjen!

Vi kjenner fleire flotte 6åringar som har første skuledag i dag, så vi sender mange gode tankar til de og alle andre som har ein stor merkedag i dag! Vi er klare for det neste skuleåret med ein på 2.trinn og ei som er siste året i barnehage!